Jaastad sideri er eit samarbeid mellom søstrene Eli og Kjersti som driv Jaastad gjestetun og ekteparet Elisabeth og Jørund Olav, som driv fruktgarden Grønsnes.
Dei to bruka med adresse Jåstad Indre er frå gamalt av ein gard. Vi ynskte å skape noko saman igjen. Dermed vart Jaastad sideri til.
Vi ynskte å skape noko nytt, men med røtter som strekk seg generasjonar tilbake. Noko tidlaust – slik som historie, handtverk, og gode råvarer er.
I mellomalderen var garden Jåstad ein storgard i Sørfjorden. I Bleiediplomet frå 1293 – det eldste fullstendig skildra domsavgjersla i Noreg – er til dømes Torolv på Jåstad nemnd. Og frå 1651 finn me Jaastadfela – den fyrste kjende hardingfela. Vi syns den rike historia og kulturarva i bygda fortener å bli sett på kartet!
